रवींद्र नाट्यमंदिर इमारतीच्या पाचव्या मजल्यावर प्रायोगिक स्वरुपाचे असे नवीन लघु नाट्यगृह तयार करण्यात आले आहे. सदर नाट्यगृहाचे वैशिष्ट्य म्हणजे या नाट्यगृहातील आसनव्यवस्था सरकती आसनव्यवस्था असून गरजेप्रमाणे मागे सरकवून प्रेक्षागृहाचे रुपांतर रिकाम्या हॉल मध्ये करता येते. अश्या पद्धतीचे शासनाकडे असलेले हे पहिलेच नाट्यगृह असून या सुविधेचा वापर करून विविध प्रयोग करता येणे शक्य आहे.
| आसनक्षमता |
206 |
| क्षेत्रफळ – रंगमंच |
३७ फूट व रुंदी: १७ फूट |
| मजला |
पाचवा मजला, रवींद्र नाट्यमंदिर इमारत |
उपलब्ध सुविधा
- अकादमी संकुलात उपलब्ध असलेली पार्किंग ही संकुलातील सर्व सुविधांसाठी असल्यामुळे प्रथम येणाऱ्यास प्राधान्य या तत्वावर वापरली जाते. कृपया संस्थेने याची नोंद घ्यावी व पार्किंग पूर्ण भरल्यास पार्किंग बंद करण्यात आल्यावर संस्थेकडून किंवा प्रेक्षकांकडून सुरक्षारक्षकांना कोणत्याही पद्धतीचा त्रास होणार नाही याची काळजी घ्यावी.
- आपण केलेल्या सुविधेच्या आरक्षण वेळेच्या आतच आपणास कार्यक्रमाची तयारी करणे, कार्यक्रमाचे सादरीकरण करणे व कार्यक्रमाचे सामान नाट्यगृह/दालनाच्या बाहेर काढणे सामाविष्ठ आहे. कृपया याची नोंद घ्यावी व काटेकोरपणे पालन करावे. कार्यक्रमानंतर दूसरा कार्यक्रम असल्यास व आपली आरक्षित वेळ संपली असल्यास नाईलाजास्तव आपला कार्यक्रम मधेच थांबवला जाऊ शकतो. त्यामुळे कार्यक्रम संस्थेने आरक्षित वेळेतच आपला कार्यक्रम संपून सर्व सामान नाट्यगृहाबाहेर जाईल असे व्यवस्थापन ठेवावे.
- नाट्यगृहामध्ये रंगमंच व प्रेक्षागृहात तसेच इतर दालनांमध्ये कोणत्याही पद्धतीचे खाण्याचे व पिण्याचे पदार्थ नेऊ नये व याबाबत कार्यक्रमास आलेल्या प्रेक्षकांनाही कळवावे. खानापानाच्या गोष्टी द्वारपालांकडून अडविण्यात आल्यास कृपया त्यांना सहकार्य करावे.
- अकादमी संकुलामध्ये कोणत्याही पद्धतीचे व्यसन करू नये. तसे करताना आढळल्यास सदर कार्यक्रमाच्या संस्थेवर दंडात्मक कार्यवाही करण्यात येईल. तरी कृपया संस्थेने याची नोंद घ्यावी.
